Skip to content
← Tamam mazameen

School software ke baare mein 20 aam sawal, seedhe jawab

Skoolyte Pakistani schools ke liye online school software hai: fees aur voucher, attendance, exams aur result card, staff aur payroll, sab aik jagah. 200 students tak yeh bilkul free hai, internet na ho tab bhi chalta hai, aur aik button se screens Urdu mein ho jati hain. Neeche woh sawal hain jo school wale hum se sab se zyada poochte hain.

· 1 minute · Likhne wale: Sikander Hayat, Founder, Skoolyte

Jab bhi kisi school mein Skoolyte dikhane jata hoon, pehle das minute mein taqreeban yehi sawal aate hain. Kitne ka hai, free wala sach mein free hai ya nahi, bijli aur internet chala jaye to kya hoga, aur hamara data kahan rakha jata hai. Kai log yehi sawal ChatGPT ya Google se bhi poochte hain, Roman Urdu mein.

To hum ne sab jawab aik jagah likh diye hain, seedhe aur mukhtasar. Har jawab wohi hai jo aaj software mein hai. Jo cheez abhi nahi hai, woh bhi saaf likh di hai, taake baad mein koi hairani na ho.

Agar aap ka sawal yahan nahi hai, to hamein WhatsApp kar dein. Hum wohi jawab denge jo sach hai, aur jo nahi pata woh check kar ke batayenge.

Aam sawalat

Skoolyte kya hai?
Pakistani schools ke liye school management software. Fees, voucher aur receipt, admissions, attendance, diary, exams, result card, question paper, staff aur payroll, sab aik hi jagah. Phone, tablet aur computer, sab par chalta hai.
Kya yeh sach mein free hai?
Ji haan. 200 students tak free plan hai, aur is ki koi end date nahi. Is mein fees aur voucher, attendance, exams, result card aur timetable sab shamil hain.
Paid plan kitne ka hai?
Aik mahine ki aik qeemat, students ki tadaad ke hisaab se: Rs 6,000 mahana 400 students tak, phir har 100 students par Rs 500 zyada (1,000 tak). Koi setup fee nahi, aur na har user ya har campus ka alag paisa. Aap ki qeemat aap ke order form mein likhi hoti hai.
Paise dene se pehle try kar sakte hain?
Ji haan. Naye school ko paid plan do calendar mahine free milta hai. Us ke baad school free plan par aa jata hai, jab tak aap khud paid plan na lein.
Internet ya bijli chali jaye to kya hoga?
Kaam chalta rehta hai. Attendance, fee collection aur marks entry internet ke baghair bhi hoti hai, aur internet wapas aate hi sab khud server par chala jata hai. Aik device aakhri dafa online sign in hone ke baad saat din tak offline chal sakta hai.
Kya mobile par chalta hai?
Ji haan. Android, iPhone, Windows aur Mac par browser mein chalta hai, aur app ki tarah install bhi ho jata hai. Play Store se kuch download karne ki zaroorat nahi.
Kya software Urdu mein hai?
Ji haan. Aik button dabane se menu aur office ki screens Urdu mein ho jati hain. Report card aur question paper bhi Urdu mein print hote hain. Receipt aur voucher abhi English mein hain.
Hamara data Excel mein hai, kya dobara type karna parega?
Nahi. Students class wise Excel se import ho jate hain, un ke purane arrears ke saath. Staff, families aur saal ka fee register bhi import hota hai. Shuru mein hamari team import mein madad karti hai.
Kya poore school ke fee voucher aik saath print hote hain?
Ji haan. Poore school ki mahine ki fees aik dafa mein ban jati hai, aur voucher aik PDF mein print hote hain. Behan bhai aik hi voucher par aa jate hain.
Aik family ke teen bachay hon to counter par kaise fee lein?
Family ki aik hi payment, aur aik receipt jis mein har bachay ki class likhi hoti hai. Har family ka apna number hota hai, jaise 1009.Haroon Khan, taake counter par jaldi mil jaye.
Sibling discount aur staff ke bachon ka discount?
Dono hain, aur apni marzi ka discount bhi. Har discount aur waiver ke saath wajah aur naam record hota hai, taake pata ho kis ne diya.
Parents ko receipt aur fee reminder WhatsApp par ja sakta hai?
Ji haan. Receipt WhatsApp par bheji ja sakti hai, aur defaulter list se fee reminder WhatsApp par. SMS se reminder paid plan ka add-on hai.
Kis ki fee baqi hai, yeh kaise pata chalega?
Defaulter list mein har student ka baqaya aur purane arrears nazar aate hain, class aur campus ke hisaab se.
Result card bhi banta hai?
Ji haan. Har teacher apne subject ke marks dalta hai, result khud ban jata hai, aur report card, saalana result aur gazette print ke liye tayyar hote hain. Grading apni marzi ki rakh sakte hain.
Question paper bhi bana sakte hain?
Ji haan. Question bank se chapter chun kar paper minton mein ban jata hai, English ya Urdu mein. KPK ki class 1 se 8 ki kitabon ke sawal pehle se mojood hain.
Parents apne phone par fees aur result dekh sakte hain?
Parent app mein dekh sakte hain: fees, voucher, receipt, attendance, diary aur result. Parent wohi mobile number dalta hai jo school ke record mein hai, aur SMS par code aata hai. Yeh paid plan ka add-on hai.
Hamare do campus hain, kya aik account mein chalenge?
Ji haan, paid plan mein. Sab campus aik account mein, aur har staff member sirf apna campus dekhta hai.
Hamara data mehfooz hai?
Data Amazon Web Services (AWS) par hai, roz khud backup hota hai, aur connection hamesha encrypted (HTTPS) hota hai. Har banday ka apna login hai, aur har kisi ko sirf wohi nazar aata hai jo us ke kaam ka hai. Two-step sign-in bhi lag sakta hai.
Agar baad mein chhorna chahein to data mil jayega?
Ji haan. Student list jaisi har list kisi bhi waqt Excel mein nikal sakte hain. Data aap ke school ka hai.
Kya madrasa aur academy bhi istemal kar sakti hai?
Madrasa ke liye alag madrasa mode hai: shobay, Wifaq jaisi grading aur Urdu report card. Intermediate college aur woh academies bhi chal sakti hain jahan har student aik class ya batch mein hai. Jahan har student alag subject le aur har subject ki alag fee ho, woh abhi nahi hota.

Yeh bhi parhein

Try Skoolyte with your own school

Free for schools with up to 200 students. Bring your Excel lists, and we'll train your staff.